صوابع زينب
المقادير :
كوب ونصف دقيق
نصف كوب سميد
ربع كوب سمنة
معلقة كبيره سكر
نصف معلقة صغيرة خميرة
نصف كوب ماء دافي
ذرة ملح
طريقة التحضير :
نقلب المكونات الجافة مع بعض الدقيق و السميد والخميرة والسكر والملح وننزل عليهم بالسمنة ونخلطهم مع الدقيق لحد ما نحصل على خليط رملي وبعدين نضيف الماء ونعجن لحد ما تلم معانا ونسيب العجينة ترتاح لمدة ربع ساعة.
وبعدين نبدأ نشكلها على بصامة الكحك أو مبشرة الجزر ونقليها في زيت ساخن لحد ما لونها يبقا ذهبي ونسقيها شربات بارد.
أساور الست
المقادير:
لفة جلاش
كوب سمنه بلدي سايحه
نصف كوب فستق مفروم
نوتيلا
للسيرب:
كوبين سكر
كوب مايه
معلقة صغيرة عصير ليمون
طريقة التحضير :
نعمل السيرب بوضع مكوناته على النار لمده 7 دقايق ونحط عصير الليمون وتغلي غلوتين ونطفي ونسيبه يبرد نقسم الجلاش نصفين بالسكينه وناخد طبقة من الجلاش وندهنها بالسمنة ونطبقها علي شكل مربع وندهنها مره تانيه وبعدين نلفها علي مسن أو خشبة رفيعة زي القلم الرصاص وبعدين نخرجها ونلفها دايره علي بعضها.
نرص الأساور جنب بعضها في صينيه فرن مدهونه زيت أو سمنة وبعدين ندهن الأساور بالسمنة وندخلها الفرن علي الرف الاوسط على درجة حرارة 180 لحد ما تاخد لون ذهبي ونخرجها ونسقيها بالسيرب البارد
نحط في منتصف الأساور نوتيلا أو مكسرات مفرومة حسب الرغبة.
البسبوسة
المقادير :
كوبين ونصف سميد (500 جرام)
نصف كوب سمنة
كوب سكر
كوب حليب أو زبادي أو لبن رايب
2 معلقة كبيرة جوز الهند (اختياري) ولكن أنصحكم بيه معلقتين كبار شربات تقيل أو عسل نحل أو عسل جلوكوز
طريقة التحضير :
نخلط الحليب مع الشربات أو العسل والسمنة والسكر ومعلقتين جوز الهند على نار هادية لحد التدفئة فقط ونرفعهم عن النار وننزل عليهم بالسميد ونقلبهم ونبسهم مع بعض كويس لحد ما المكونات تتجانس مع مراعاة عدم العجن.
نجهز صينية مقاس 28 وندهنها سمنة وطحينة وبعدين نبل إيدينا ماء ونفرد فيها الخليط ونحددها بالسكينة ممكن نزينها بالبندق أو اللوز أو السوداني حسب الرغبة
ندخلها الفرن على درجه حرارة 180 درجه لمدة 20 دقيقة ونسقيها اول ما تطلع من الفرن بشربات خفيف سخن.
ملحوظة مهمة:
البسبوسة بتبوظ لما تتعجن وتتقلب جامد وتضغط بالفرد في الصينية يادوب تقلبي تقليبتين وتمزجي المكونات بس وتخبطي الصينية خبطتين على الرخامة عشان لو فيه هوا يخرج.
بلح الشام
مقادير بلح الشام
كوب دقيق
ربع كوب زيت
كوب ماء
رشة سكر
م ك نشا
بيض
فانيلا
رشة ملح
الطريقة
هنحط الماء والسكر والزيت على النار لما تغلي نهدي النار ونضيف
دقيق مع النشا ورشة الملح هنقلبه لحد متلم العجينه نحطها ف بولا لحد متبرد ونضيف ٣ بيض بالتدريج وفانيلا وبشر
ليمون هنحط العجينة في كيس حلواني ونقطعها في زيت غزير بارد ولما نملا الطاسه نرفعه علي النار متوسطه واول
ما حجمه يتضاعف نعلي النار اول ما يتحمر نطلعه علي شربات نفتحه بالسكينه ونحشي بالكريم شانتيه وبس كده بالهنا والشفا.
لقمة القاضي أو الزلابية
المقادير :
. كوبين دقيق
. معلقة صغيرة نشا
. معلقة صغيرة خميرة فورية
. معلقة كبيره حليب بودرة
• رشة ملح
• رشة فانيليا
. كوبين ماء دافي
طريقة التحضير :
نخلط الدقيق مع النشا والخميرة والحليب البودرة والملح والفانيليا ونضيف الماء الدافي بالتدريج
ونقلب لحد ما العجينة تبقى طرية ولينة.
نغطي الطبق لمدة نصف ساعة لحد ما العجينة تخمر ويتضاعف حجمها.
نبل معلقة صغيرة بالزيت ونشكل بيها لقمة القاضي ونقليها في زيت على نار متوسطة لحد ما تحمر وتبقى ذهبيه اللون نخرجها ونسقيها بشربات تقيل بارد أو نرشها بسكر بودرة حسب الرغبة.
رموش الست
المقادير :
:
٢ كوب دقيق = ٢٥٠ جرام
نص كوب سميد = ۹۰ جرام
نص كوب سكر بودره ۸۰ جرام
نص كوب جوز هند = ٤٠ جرام
نص كوب زبده او سمنه ۱۱۰ جرام
ربع كوب زيت = ٤٥ جرام
٢ بيضه
معلقه صغيره بيكنج بودر
كيس فانيليا
الطريقه :
هننزل بالزيت والسمنه و السكر ونخلطهم كويس و بعدين نحط عليهم بيضه كامله و بياض بيضه و الفانليا و نخلطهم كويس جدااا و بعدين ننزل بالسميد وجوز الهند و البيكنج بودر و آخر حاجه الدقيق هنزل بيه مره واحده و هبدا المها و بلاش عجن كتير خالص اهم حاجه عشان متبقاش بسکویت و ناشفه مجرد ما تلم تبقي تمام و هتبقي عجينه طريه و مش بتلزق و بتتشكل بكل سهوله و بعدين نجيب صنيه ندهنها مسحه خفيفه جدا زيت و نبدأ نشكلها مدوره او الشكل اللي شبه العين المعروفه بيه ده و بعدين نعملها عليها بالشركه کده خطوط و نكون مسخنين الفرن قبلها ب ٥ دقایق کده و ندخلها على درجه حراره ۱۸۰ لمده ۸ ل ١٠ دقايق بالكتير اول لما تاخد لون من تحت اشغل الشوايه تاخد لون من فوق و اول لما تطلع انزل عليها بالشربات البارد و اسبها في الشربات اقل حاجه ربع ساعه و بعدين هتاكلو احلي رموش في الدنيا
مقادير السيرب او الشربات :
2 كوب سكر
2 كوب ماء
عصير ليمونه
الطريقه : بحط السكر و الميه واول لما يبدأ يغلي اعصر ليمونه و اسیبو دقيقه و اقفل عشان يبقي خفيف و نسيبو يبقي بارد خالص.
المقادير
لفه جلاش
۲ معلقه ك كستر
٢ معلقه ك سكر
كوب حليب
زبده
طريقه التحضير
نحط الكستر والسكر مه الحليب ونقلبهم كويس لحد ما يدوبم خالص
نحطهم على نار هاديه لحد ما القوم يتقل ونشلهم من ع النار
نجهز صنيه وندهنها زبده ونفرد نصف لفه الجلاش وندهن زبده
نحط الكاستر ونفرده كويس وبعدين نحط باقي الجلاش وندهن زبده على وش الصنيه كويس وحطها في فرن درجه حرار ۱۸۰ لحد ما اللون يبقا ذهبى نخرجه ونسقيه شربات بارد وبالف هنا .
حلوه جدا هتعجبكم
المقادير
كوب سميد ناعم
م ص بكنغ باودر
ربع م ص كربونات صودا
ارباع كوب سكر
نصف كوب قطر شيره دافيء
م ك سمن اي نوع
نصف كوب لبن زبادي
ربع كوب ماء
ا م سمن لدهن الصينيه
فستق حلبي مطحون نصف كوب
فستق حلبي صحيح ١ كوب
القطر
سكر ٢ كوب
ماء كوب ونصف
ليمون ١ م ص
الصينية 35x25
الطريقه
في وعاظ نضيف السميد و البكنغ باودر والصودا و السكر ونخلطهم ثم نضيف القطر نخلطه جيدا ندهن صينيه الفرن بالسمن ثم نضع الخليط فيه ونوزعه جيدا
ثم نضيف السمن ونبدا بعجنه حتى يتغلف جيدا السميد
نضيف الزبادي ونستمر بالعجن
نضيف الماء مع العجن تدريجي
باستخدام الماء باليد نساوي الوجه ثم نغطي الصينيه ونتركها مده ۱۲ ساعه
نضع القليل من الماء على يدينا ونضغط عليها باليد يساعد
في التصاق الفستق
نوزع الفستق الحلبي ونرصه باليد
ندخلها الفرن الرف الأوسط على حرارة ١٨٠ ، مدة ٢٥ دقيقة
ثم نحمر الوجه ٥ دقائق
لتحضير القطر نضيف الماء والسكر والليمون نحركه بلطف ونتركه على النار حتى يغلي مدة ٧ دقائق حتى يثقل قليلا
نترك الهريسة تبرد قليلا ثم نسكب القطر عليها وهو ساخن ونتركها تتشربه جيدا
نتركها تبرد ثم نقطعها الى مربعات .